Bonjour Belgique

Freitag, 6. Juli 2012

PARTIR

PARTIR C'EST MOURIR UN PEU -

il me reste de dire MERCI!

Montag, 18. Juni 2012

ich han min letschte schueltag verbi und somit ALLI examen! (=

kurz gseit heisst das: FERIE!

im grosse und ganze isches guet glofe und s'erschte mal hanich gmerkt wie fescht ich gschetzt wirde da und mis herz hät sich debi würkli fescht zämezoge und es sind au es paar träne glofe.

min lieblingslehrer in englisch hät wellä das mir di ganz klass applaudiert will ich die bescht ustuschschüelerin segi woner jemals gseh hegi und zum abschied hät er mir belgischi Parline gschänkt.

erhlich gseit hani ich nöd grad würkli luscht zum das alles erchläre, es isch ziemlich unerchlärlich.

aber ich weiss dasses halt doch wehmacht abschied z'näh vo minere schuel, wie's halt immer wehmacht wenn mer vo öppism muess abschied näh womer gliebt hät-

und ich han de itrag vo mim letschte schueltag ide schwiz gfunde und ich muess zuegä, d'situation hät gwüssi ähnlichkeite, nur dass ich weiss das hüt de abschied ziemlich sicher für immer isch ..

und will das lied immer no genau glich passt wie damals:

Letschti Rundi - Wurzel 5

viel type troffe, lüt lähre känne,

fründschafte gschlosse, lüt lähre z'schetze,

aber hie giz kei wäg meh wo witer füehrt,

will alls hät es endi, jetzt isch zit derfür!

...

nüüt .. nüüt, nüt isch für ewig da,

nüüt .. nüüt, nüt cha für ewig ga,

jede muess einisch ga,

d'zit isch verbi, ich säge merci viel mal!

...

s'wird für immer in ernnerig blibe -

j'ai envie de vous dire; A TREES BIENTOT!

Mittwoch, 6. Juni 2012

Letemps

Le temps passe et on passe le temps à penser à ce qui va se passer ..

Freitag, 25. Mai 2012

LA CLAAAAASSE! :D

l'été, il est là!

jaaaa de summer isch da!

ich bin mer aber nöd sicher öb drüber söll glücklich si oder nöd.

klaar isches cool, ide pause verusse z'sünnele, nach de schuel es glasse go ässe und im pool im garte go bade und so witer .. aber summer heisst für mich au abschied nä, summer heisst so viel. summer heisst für mich endi vom schueljahr und endi vo so vielem wonich liebe. summer heisst lache und glücklich si. summer heisst träume und plan schmiede.

aber momentan hani kei luscht zum über d'zuekunft nahz'dänke.

über uffahrt simmer mite de schuel in England gsi und das isch eifach unglaublich cool gsi. de tag dur hämmer mit de schuel usflüg gmacht und so ziemlich alles womer chan in london besichtige besichtigt. am abig simmer ine gastfamiliecho in brighton und händ detä übernachted. mini familie isch mega nett gsi, aber ich han gmerkt, dass ich ziemlich viel englisch verlärnt han. (defür chani französisch, = )

das sind aber doch 5 asträngendi täg gsi und die wuche bini ununterbroche beschäftigt gsi, will mir zwei geburtstäg gfiret händ und d'lehrer afanged stresse. i 2 wuche fanged nämlich scho d'abschlussprüefige ah. ..

also es folged es paar bilder us england und denn säg ich eu mal GNÜSSED D'SUNNE!